FEU SECRET FILES

 

PNP SAF 44

 

"This country is not worth dying for"
- PNP SAF Trooper

NOT WORTH DYING FOR, INDEED!

"My dad is one of the policemen who died in the war in Mamasapano Maguindanao last January 25. My family is still grieving from his death.

Palagi kong sinasabi sa tatay ko na sana mag retire na siya. Marami namang ibang trabaho diyan. Yung safe, yung hindi kami kinakabahan tuwing aalis sya. "Ipag dasal mo nalang ako anak" yan lang palagi ang isinasagot niya sakin. Yung pakiramdam na halos hindi kami makakain, ni hindi rin kami makatulog, hindi ako makapag aral ng maayos sa tuwing iisipin ko, "KAMUSTA KAYA SI PAPA?" "NASA MABUTING KALAGAYAN KAYA SIYA?" Mga katanungan na pilit na bumabagabag sa isip ko tuwing maaalala kong nasa bingit ng kamatayan ang tatay ko. Na baka may isang araw na hindi na siya umuwi ng buhay, kaya gabi gabi kong ipinagdarasal sa dyos, "Lord, wag nyo pong hahayaan na may mangyaring masama sa tatay ko. Palagi nyo syang gagabayan."

Pero noong January 24,

The last text that I've received from my father

"Nak mag-aral ka ng mabuti. Ingatan mo sina mama pati si baby ha. I lab u smile emoticon"
(copy + paste from his last message)

Kinabahan na ako kasi kahit kailan hindi naging sweet si papa ng ganyan, hindi rin siya nag tetext sakin puro tawag lang. Naiyak ako nung pagkakataon na yun. Na replyan ko pa siya.. "Papa mag ingat ka palagi. Mahal na mahal ka namin" - di na siya nag reply.

January 25,

Hindi ako nakapanood ng balita dahil walang tv sa dorm ko. Wala akong ka alam alam sa mga nangyayari sa mga kapulisan sa mamasapano. Wala akong kaalam alam sa nangyayari sa tatay ko. Pero bago ako natulog naririnig ko ung mga dormmates ko na may pinag uusapan tungkol sa saf.

January 27, 4am.

My mom called me, "anak si papa"

Humahagulgol siya, nanginginig ung boses niya. Hindi niya masabi ang gusto niyang sabihin. Kinakabahan na ako.

- Ma anong nangyari kay papa?

Ang tagal nyang sumagot. Iyak siya ng iyak.

- MA ANO NGANG NANGYARE?!!!

"Patay na si papa"

My head was starting to pound so hard, my hands were trembling, and my tears were starting to form at the corner of my eyes.

"Kasama siya sa mga namatay na pulis sa maguindanao"

Tears finally fell from my eyes. I can’t breathe. I’m choking. My phone fell from my hand.

Iyak ako ng iyak. Walang tigil. Ang sakit sakit. Sobrang sakit. Wala na si papa. Si papa na huli kong nakita na nakangiti, ngayo'y huli kong nasilayan na nasa isang kwadradong ataul. Wala ng buhay.

Hanggang ngayon hindi namin matanggap lalo na't paulit ulit ibinabalik at pinapaalala ng media ang kinahinatnan ng mga pulis sa kamay ng MILF. Hindi namin matanggap na hanggang ngayon, wala paring hustisya. Sagad sa buto ang galit ko sa mga nasa itaas lalong lalo na sa gobyerno na hanggang ngayon ay nag huhugas kamay at nag tuturuan kung sino ba dapat ang managot sa pagkamatay ng mga bayani sa Masasapano. Sana nga'y bangungutin sila ng kanilang mga kunsensya.

At para sa mga MILF, BIFF at iba pang rebelde na walang habas na pumatay sa mga kapulisan at sa tatay ko, sana maramdaman nyo kung gaano kasakit mawalan ng kapamilya. Hindi man kayo ang mamatay, ung mga anak nyo, magulang, mahal sa buhay sana ang mawala sa inyo. Alam kong mali humiling ng ikasasama ng iba, pero kung may kakayanan lang ako, ako ang papatay sa inyo. Babarilin ko rin kayo sa mukha gaya ng ginawa nyo sa tatay ko. Parusahan man ako sa itaas, tatanggapin ko, basta nabigyan ko ng katarungan ang pagkamatay ng tatay ko.

Tay, saludo ako sa katapangan mo, ipinagmamalaki kita at patuloy na ipagmamalaki sa mga magiging anak, apo, at iba pang magiging henerasyon mo hangga't nabubuhay ako. Nagampanan mo ng maayos ang trabaho mo, walang labis, walang kulang. Sana masaya ka na dyan sa taas. Mag aaral ako ng mabuti, itutuloy ko ang pangarap mo sakin na maging isang abogado ng sa ganon maipag tanggol ko sa lahat ang mga taong hindi naranasan ang hustisya gaya ng nangyari sa'yo. Mahal na mahal ka namin ni mama, ako na ang bahala kay bunso. Ako na ang tatayong padre de pamilya sa bahay natin palagi mo nalang sana kaming gagabayan at sana tulungan nyo ang mga otoridad para panagutin ang mga taong dapat managot sa pagkawala ninyo. RIP tay, saludo ako sa'yo."

Atty.
201*
IAS